Në 24 orët e fundit në Kosovë janë regjistruar 17 raste të reja me koronavirus, nga 1,544 testime të kryera.
Fatmirësisht, asnjë qytetar nuk e ka humbur jetën gjatë këtyre 24 orëve si pasojë e COVID. Sakaq, mësohet se 19 qytetarë janë shëruar ndërsa 405 raste vijojnë të jenë aktive me COVID.
Prej shpërthimit të pandemisë në mars të vitit 2020, Instituti Kombëtar i Shëndetësisë Publike në Kosovë ka regjistruar mbi 160.000 raste të infektimit.
Prej tyre 2,980 persona kanë humbur jetën. Kosova ka nisur fushatën e vaksinimit kundër koronavirusit në mars të këtij viti. Prej atëherë janë dhënë mbi 1.5 milion doza të vaksinës.
Numri i personave të vaksinuar me të dyja dozat ka shkuar në 752.365, derisa 847,007 kanë marrë dozën e parë.
Deri më sot janë vaksinuar plotësisht 41.8 për qind e popullsisë.
