Foto ilustruese

Kosova & Rajoni

Koronavirusi në Kosovë/ 14 viktima dhe 752 raste të reja infeksioni në 24 orët e fundit

30 Mars 2021, 15:41| Përditesimi: 30 Mars 2021, 15:44

  • Share

Vijon të mbetet i lartë numri i personave të infektuar me koronavirus në Kosovë, ku në 24 orët e fundit raportohet për 752 raste të reja. Po ashtu i lartë mbetet edhe numri i viktimave, ku kanë humbur jetën 14 persona në 24 orët e fundit.

Sipas Institutit Kombëtar të Shëndetit Publik ne Kosovë, viktimat u regjistruan në: Prishtinë 5 raste (83, 73, 72, 68, 57 vjeç), Gjakovë 2 raste (73, 72 vjeç), Ferizaj 1 rast (81 vjeç), Gjilan 1 rast (67 vjeç), Mitrovicë 1 rast (69 vjeç), Pejë 1 rast (77 vjeç), Prizren 1 rast (58 vjeç), Shtime 1 rast (57 vjeç) dhe Vushtrri 1 rast (66 vjeç).Numri total i rasteve pozitive është 89.507 raste nga 422.380 persona të dyshimtë në virusin SARS-CoV-2 dhe 1.858 raste të vdekjes.

Gjatë 24 orëve të fundit janë shëruar 665 pacientë, duke e çuar numrin e përgjithshëm në 73983. Numri i rasteve aktive me COVID në Kosovë është 13666, ndërsa numri i viktimave ka shkuar në 1.858.

Sot ka nisur edhe procesi i vaksinimit kundër COVID-19 në Kosovë, ku fillimisht, po vaksinohet personeli mjekësor. Më pas do të nis procesi për të moshuarit mbi 80 vjeç dhe një pjese të popullsisë me sëmundje kronike.

Në Kosovë pritet të mbërrijnë edhe 76 mijë e 800 doza vaksinash kundër COVID-19, deri në maj, nga COVAX. Këto janë pjesë e 100 mijë e 800 dozave të cilat COVAX i ka premtuar Kosovës.

Komento
  • Sondazhi i ditës:

    Si i vlerësoni mesazhet që dha Rama në takimin me diasporën në Athinë?