Kopjimi i të dhënave të TIMS, ekspertët e SPAK faktuan se u kaluan në kompjuterin e Ervin Muçës! Drejtori i IT në Polici përdori PIN-in e një punonjëse me leje kur u fut në godinë

10 Prill, 13:57| Përditesimi: 10 Prill, 14:01

  • Share

Report Tv sjell detaje të reja kopjimi i të dhënave të sistemit TIMS, për të cilin drejtori i IT në Policinë e Shtetit, Ervin Muça u arrestua një ditë më parë dhe është lënë në arrest shtëpie.

Report Tv mëson se kamerat e sigurisë kanë fiksuar Ervin Muçon mbrëmjen e 2 gushtit 2023, pranë godinës së Drejtorisë së Teknologjisë dhe Informacionit në rrugën “Mine Peza” (pranë komisariatit numër 3). Vetë Muça e mohon se ka qenë mbrëmjen 2 gushtit në godinë.

Burime për Report Tv bëjnë me dije se të dhënat e sistemit TIMS janë kopjuar në kompjuterin e Ervin Muços, kjo e faktuar nga ekspertët e SPAK.

Për këtë ngjarje po verifikohen edhe persona të tjerë, të cilët janë futur në godinë në mënyrë të paautorizuar. Ata dyshohet se kanë ndihmuar Muçon në kopjimin e të dhënave. Personat e paautorizuar – sipas Prokurorisë- për të mos lënë gjurmë, janë futur në godinë me PIN-in (kodin) personal të një punonjëseje tjetër e cila mësohet se ndodhej me leje të zakonshme.


Lajmi kryesor:

Kopjoi të dhënat e TIMS, Drejtori i IT në Polici dyshohet se u ndihmua nga persona të tjerë, po verifikohen! Muça u fiksua nga kamerat ditën e ndërhyrjes në sistem


SI.E./ReportTv.al
  • Sondazhi i ditës:

    Zgjedhjet parlamentare 2025, sipas jush si duhet të votojë diaspora?