Në orët e para të së hënës Izraeli nisi sulmet ajrore në qytetin e Gazës, pasi kryeministri Benjamin Netanyahu mbrëmjen e djeshme u zotua se veprimet do të vazhdonin derisa Hamasi të paguante çmimin për bombardimet ndaj vendit.
Në një fjalim televiziv, Netanyahu tha se sulmi izraelit “me forcë të plotë” kundër Hamasit do “të marrë kohë”.
Kjo erdhi pas ditës më vdekjeprurëse të konfliktit në Gaza, pasi sulmet izraelite të dielën shkatërruan tre ndërtesa dhe vranë të paktën 42 njerëz, mes tyre 16 gra dhe 10 fëmijë dhe të paktën 50 persona të tjerë u plagosën.
Autoritetet izraelite deklarojnë se nga fillimi i përplasjeve të hënën e kaluar, Hamasi ka hedhur në drejtim të Hamasit mbi 3100 raketa ku rreth 90% e tyre u bllokuan nga sistemi i mbrojtjes së Kupolës së Hekurt të vendit, ndërsa Izraeli vetëm mëngjesin e sotëm ka hedhur 80 raketa.
Që kur filluan luftimet të hënën e kalua, të paktën 188 palestinezë janë vrarë në Gaza, duke përfshirë 52 fëmijë dhe 33 gra.
Tetë izraelitë janë vrarë nga disa prej 3,100 raketa të lëshuara nga Hamasi, mes tyre një ushtar dhe një djalë pesë vjeçar.
Amnesty International ka dhënë alarmin për krimet e mundshme të luftës që janë kryer në Rripin e Gazës, duke përfshirë shënjestrimin e dukshëm të civilëve dhe një ndërtese mediatike dhe i bëri thirrje Gjykatës Penale Ndërkombëtare për të hetuar. Ndërkohë që ditën e djeshme pas mbledhjes së Këshillit të Sigurimit, krerët bënë thirrje për domosdoshmërinë e dhënies fund të konfliktit, pasi po merren shumë jetë të pafajshme.
//ReportTv.al
