Vijon shkëmbimi i zjarrit mes Palestinës dhe Izraelit, ndërsa ushtria izraelite pret vetëm një sinjal për të ndërhyrë në Gaza, duke grumbulluar tanke dhe trupa në kufi. Dhuna është përhapur gjithashtu edhe mes komuniteteve të përziera të hebrenjve dhe arabëve në Izrael, një front i ri në konfliktin e gjatë.
Sinagogat u sulmuan dhe përleshjet filluan në rrugët e disa komuniteteve, duke e shtyrë Presidentin e Izraelit të paralajmërojë për rrezikun e një lufte civile.
Përpjekjet për armëpushim nga Egjipti, Katari dhe Kombet e Bashkuara deri më tani nuk kanë arritur asnjë rezultat, ndërsa SHBA kanë nisur një të dërguar, të shqetësuar se armiqësitë më të këqija të rajonit në vite, mund të dalin jashtë kontrollit. Deri tani janë shënuar 87 viktima në Gaza dhe 7 në Izrael si pasojë e lëshimit të raketave dhe Hamasi dhe kundërpërgjigjes së shtetit hebre.
