Një qen është konfirmuar me linë e majmunit në Europë, sipas The lancet, duke shënuar kështu rastin e parë që një kafshë shtëpiake infektohet me këtë sëmundje.
Përpara këtij rasti nuk dihej nëse kafshët shtëpiake si macet dhe qentë janë në rrezik për të marrë linë e majmunit. Megjithatë, ishte gjithmonë një mundësi.
Lancet raporton se dy pacientët njerëz kishin qenë vërtet të kujdesshëm për të izoluar qenin e tyre nga kafshët shtëpiake dhe njerëzit e tjerë, sapo atyre iu shfaqën simptomat, por ata vazhduan ta linin kafshën të flinte në shtratin e tyre. Dy javë më vonë, qeni katërvjeçar zhvilloi simptomat e para dhe një test PCR konfirmoi praninë e lisë së majmunit.
Europa tashmë po konsideron që të zgjerojë furnizimin me vaksina kundër lisë së majmunit, duke ndjekur kështu strategjinë e përdorur nga SHBA-ja. Lija e majmunit është një virus që e ka prejardhjen nga kafshët e egra, si brejtësit dhe primatët, dhe që ndonjëherë kalon tek njerëzit. I përket të njëjtës familje virusesh si sëmundja e lisë.
D.GJ/ReportTv.al