Përfaqësuesja e Kosovës do të ketë mungesa të mëdha në dy ndeshjet e fundit kualifikuese për Euro 2024. Pas Amir Rrahmanit e Edon Zhegrovës, Vedat Muriqi do të jetë mungesa tjetër e madhe e Dardanëve për duelet ndaj Zvicrës e Bjellorusisë.
Pas ekzaminimeve të fundit, u zbulua shkalla e lëndimit të sulmuesit shtatlartë, i cili pësoi tërheqje muskulore në ndeshjen e fundit ndaj Izraelit (fituar 1-0 nga Kosova). Sipas mediave spanjolle, “Pirati” i Mallorcës do të mungojë 4-6 javë.
Krahas dy ndeshjeve me Kosovën, Muriqi s’do të jetë në dispozicion as në ndeshjet e ekipit spanjoll kundër Atletico Madridit, Alavesit, Sevillës dhe Cadizit. Kosova do të luajë me Zvicrën në Basel këtë të shtunë, kurse të martën që vjen do ta mbyllë në Prishtinë fushatën kualifikuese të Evropianit me duelin ndaj Bjellorusisë.
S.DH/ReportTv.al