Ministrja e Arsimit, Evis Kushi mori pjesë në konferencën mbi "Globalizimin dhe Integrimin në Edukimin Bashkëkohor” organizuar nga Fakulteti i Shkencave të Edukimit të Universitetit “Aleksandër Xhuvani”, Elbasan.
Ministrja Kushi shprehet se në këtë konferencë është diskutuar mbi rëndësinë që ka për institucionet tona arsimore përshtatja e përvojave më të suksesshme ndërkombëtare.
Lajmin e ka bërë me dije ministrja përmes një postimi në rrjetin e saj social Facebook, ku është shprehur se rritja e vazhdueshme e bashkëpunimit mes institucioneve arsimore në projekte e programe të ndryshme, si dhe forcimi i standardeve sipas praktikave më të mira ndërkombëtare, janë garanci shumë e mirë në konsolidimin e shtetit, zhvillimin ekonomik dhe rritjen e mirëqenies sociale në vend.
J.GJ./ReportTv.al
