TIRANË- Teksa përgëzoi Konferencën e Donatorëve ku u arritën të mblidheshin 1.15 mld euro, kreu i Partisë Demokratike, Lulzim Basha u është drejtuar me një pyetje ndjekësve të tij në Instagram nëse besojnë te qeveria për menaxhimin e fondeve. Kryedemokrati është prezantuar me një formë të re komunikimi dhe së fundi ka bërë aktiv profilin e tij në Instagram.
"Jepni mendimin tuaj: Besoni tek transparenca e qeverisë për fondet e tërmetit" është pyetja e Bashës, ku ka dhënë alternativat votimit "PO" ose "JO".
Kjo është pyetja e dytë që u drejton qytetarëve, pas asaj për ligjin e Arsimit.
Postimi i Bashës në Instagram
Konferenca e Donatorëve "Bashkë për Shqipërinë" organizuar nga Komisioni Evropian në Bruksel, mblodhi 1.15 miliardë euro grante, hua, e fonde për projekte zhvillimi nga rreth 100 vende që morën pjesë në këtë konferencë për të shprehur solidaritetin ndaj Shqipërisë në përpjekjen për t'u ringritur pas tërmetit tragjik të 26 nëntorit 2019 që la pas 51 viktima, qindra të plagosur dhe mijëra të pastrehë nga godinat e rrënuara e të dëmtuara.
B.K./ReportTv.alKomente
Po pse mos ti besojme kur kryeministri e tha fjalen e tij qe fondet do menaxhohen nga vete donatoret.
Përgjigju