Kombëtarja shqiptare e futbollit është 'nën ethet' e Euro 2024. Kuqezinjtë prej 14 qershorit do jenë pjesë e grupit B me rivalë si Spanja, Italia dhe Kroacia, teksa mendja e stafit tanimë është në Gjermani.
Sylvinho dhe stafi teknik kanë filluar tanimë nga puna duke takuar lojtarë të veçantë, ndërsa shumë të tjerë janë "në lupë" nëpërmjet videove. Mësohet se stafi i kuqezinjve po vëzhgon një listë prej 39 futbollistësh, diçka më shumë se 11-të emra se e zakonshmja.
Për t'u veçuar edhe Rey Manaj që pret një ftesë pas paraqitjes fantastike dhe 19 golave këtë sezon me Sivasspor. Lushnjari do jetë në listën e ngushtë për miqësoret e marsit, aty ku trajneri do marrë më shumë përgjigje.
Kuqezinjtë luajnë më 22 mars kundër Kilit në Parma dhe tre ditë më vonë masin forcat me Suedinë në Stockholm. Për këto duele trajneri brazilian do afrojë 26 emra, kjo pasi do duhet të bëjë zgjedhje të guximshme, me UEFA-n që nuk lejon më shumë se 23 futbollistë në "Gjermani 2024".
Këtë fundjavë te golat dolën Manaj, Cikalleshi dhe Uzuni, ndërsa Broja ia doli të asistonte. Fakt është se Euro 2024 ka nisur për tanët dhe Kombëtarja po 'ngroh motorët'.
S.DH/ReportTv.alKomente
Kedo qe lojtar te therasi silvinio grupi eshte shume i veshtire ne euro 24
Përgjigju