Kolonjë, 500 banorë të Qafzezës pa ujë të pijshëm, dy çezma për gjithë fshatin

Fshati Qafzezë në Kolonjë vuan prej vitesh mungesën e ujit, ndërsa situata bëhet më problematike gjatë verës. Banorët shprehen se janë vetëm dy çezma në qendër të fshatit nga ku mbushin ujë vetëm për të pirë. Bashkia vijon të premtojë ujësjellësin e ri, por banorët mbeten skeptikë pasi ky premtim nuk është mbajtur ndër vite.

17 Qershor 2020, 17:16| Përditesimi: 17 Qershor 2020, 17:18

  • Share

Rreth 500 banorë të fshatit Qafzez në bashkinë e Kolonjës vuajnë mungesën e furnizimit me ujë të pijshëm. Situata vështirësohet dhe me tej përgjatë stinës së verës kur edhe burimet me te afërta të fshatit shterojnë.

Sipas banoreve arsyeja kryesore e mungesës se furnizimit me ujë të pijshëm në këtë fshat është pikërisht rrjeti i amortizuar i ujësjellësit.

“Ujë të pijshëm nuk ka. Kemi pothuajse që në dimër, janar. Mbetëm pa larë. Shumë vështirë. Thahesh për ujë. Vetëm kjo çezmë është. Duhet uji në shtëpi”, u shprehën banorët.

Ky problem i mbartur prej 10 vitesh asnjëherë nuk ka gjetur zgjidhje.

“Ky ujë sjellës është tejet i amortizuar. Ca të nënën ca të njerkës po veprohet në fshatin tonë. Ne nuk kemi ujë”, tha një tjetër.

Burime pranë bashkisë Kolonjë thanë se së shpejti pritet te nise zbatimi i një projekti për linjën e ujësjellësit rajonal te Kozelit që do furnizojë 16 fshatra.

//ReportTv.al
Komento

Komente

  • Fshatar: 23/06/2020 02:16

    Turp dhe jejani I prape voten Rames

    Përgjigju
  • Sondazhi i ditës:

    Si e vlerësoni takimin e Ramës me shqiptarët në Athinë?