Futbolli është plot me histori jo gjithmonë të njohura, por që mund të shkruheshin në një libër. Shumë prej tyre përfshijnë makina, siç është logjike nëse kemi parasysh pagat stratosferike të lojtarëve dhe konkurrencën që duket se krijohet mes tyre për të treguar makinën më të shtrenjtë apo më të fuqishme. Një nga këto përralla ka ndodhur në vitin 2010 dhe nuk ishte e njohur gjerësisht, por sapo është rrëfyer nga Ëesley Sneijder, ish-lojtar i Real Madridit, i cili gjithashtu ka luajtur për Ajax, Inter dhe Galatasaray.
Te Interi ku Sneijder ndante dhomën e zhveshjes me Samuel Eto'om teksa shihte kamerunasin të vinte çdo ditë me një makinë që mund të përshkruhet gjithmonë si mbresëlënëse.
Në mesin e atyre që u bënte përshtypje çdo ditë ajo makinë luksoze ishte edhe Marko Arnautovic, bashkëlojtari i të dyve. Arnautovic në atë kohë ishte një i ri 21-vjeçar, i cili nuk ishte ende në rrogën e yjeve të mëdhenj dhe që një ditë e gjeti veten me një dëshirë të pashmangshme: t'i bënte përshtypje një vajze që do darkonte.
Meqenëse ai nuk mendonte se makina e tij ishte aq spektakolare sa donte të ishte, ai vendosi t'i kërkonte mikut të tij Samuelit. Kështu, Arnautovic mori në shtëpi një Bentley Continental , i cili në atë kohë kushtonte rreth 150,000 euro dhe për të cilin Eto'o kishte porositur zbukurime të tilla si kalibrat e frenave me emrin e tij mbi to.
Arnautovic mund t'i ketë bërë përshtypje shoqërueses së tij kur ai e mori atë dhe la çelësat në hyrje të hotelit Sheraton në Milano për ta parkuar. Pas darke, kur dolën jashtë dhe futbollisti së bashku me shoqëruesen e tij zbuluan se askush nga restoranti apo hoteli nuk ia kishte marrë makinën.
Makina ishte marrë nga një punonjës i rremë. Ndoshta Sneijder e kujton këtë anekdotë sepse historia pati një fund të lumtur dhe makina u rishfaq. Në Hungari, shumë larg Milanos.
S.DH/ReportTv.al