Policia e Sarandës ka reaguar për mbetjet kockore që janë gjetur një natë më parë në fshatin Xarë të Konsipolit. Policia thotë se ishin në proces dekompozimi dhe se do të dërgohen në Institutin e Policisë Shkencore për të vërtetuar se kujt i përkasin.
Mësohet se pjesa e gjetur është koka e një njeriu, e cila ka ende inde të buta dhe mendohet se ngjarja është e muajve të fundit.
“Mbrëmjen e djeshme, në fshatin Xarrë, pranë varrezave të fshatit, janë gjetur mbetje kockore humane, në proces dekompozimi. Mbetjet kockore do të dërgohen në Institutin e Policisë Shkencore, për ekzaminime të mëtejshme.
Grupi hetimor nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Sarandë vijon punën për identifikimin e shtetasit/es, të cilit/es i përkasin këto mbetje kockore si dhe zbardhjen dhe dokumentimin e plotë të këtij rasti”, njofton policia.
Lajmi kryesor:
Sarandë/ Gjendet koka e një njeriu në afërsi të xhamisë në fshatin Xarë! Trupi gjendet i groposur, dyshohet se i përket një çobani të humbur
SI.E.//ReportTv.al