Armando Broja nuk po kalon minuta të qeta te Fulham, për shkak se trajneri Marco Silva nuk po i beson minuta dhe për më tepër që në tre nga katër ndeshjet e fundit i ka ndjekur nga tribuna.
Për "Talks Chelsea" gazetari Ben Jacobs ka thënë se për 22-vjeçarin e Kombëtares është në garë Crystal Palace. Skuadra tjetër e Londrës dëshiron shqiptarin në verë, por për jo më shumë se 20 milionë euro.
Një zbritje e shpejtë e vlerës së Brojës, kjo edhe për faktin se Palace po bazohet në minutat e pakta që sulmuesi ka marrë këtë sezon.
Nëse kthehemi në kohë disa muaj para, Chelsea nuk pranonte më pak se 45-50 milionë euro për të, por huazimi te Fulham duket se do i kushtojë shumë shqiptarit deri në gjetjen e formës së duhur.
S.DH/ReportTv.al
Komento
