Këshilli i Lartë Gjyqësor i ka propozuar presidentit emrin e gjyqtarit Sokol Ngresi për ta emëruar si gjyqtar të lartë. ReportTv mëson se propozimi është bërë në mbledhjen e datës 27 Maj në KLGj, ndërsa pritet dekretimi i Ngresit nga presidenti Ilir Meta për të qenë gjyqtari i 13-të në gjykatën e lartë.
Pas dekretimit të Dariel Sinës në gjykatën e lartë, ky institucion ka 12 anëtarë nga 19 që duhet të ketë, ndërsa me emrin e Ngresit do të shkojë në 13 anëtarë.
Ngresi aktualisht është në Apelin e Vlorës, ndërsa pak javë më parë u çertifikua edhe nga Kolegji i Posacëm i Vettingut. Me arritjen e kuroumit të mbledhjes së gjyqtarëve gjykata e lartë pritet të përzgjedhë edhe tre gjyqtarët kushtetues.
K.T./ReportTv.al
Komento
