Këshilli i Lartë Gjyqësor ka pezulluar nga detyra gjyqtaren Enkelejda Hxha, e cila u arrestua pak ditë më parë në Gjykatën e Krujës, teksa po jepte vendimin për të liruar nga burgu kundrejt në shumë parash një të dënuar për vrasje.
Mësohet se KLGJ e ka pezlluar nga detyra deri në përfundim të hetimeve.
'Sot, në datën 15.02.2021, Këshilli i Lartë Gjyqësor zhvilloi mbledhjen plenare të radhës, në të cilën u njoh me vendimin e marrë nga Gjykata e Posaçme e Shkallës së Parë për Korrupsionin dhe Krimin e Organizuar, për magjistraten {…}, me detyrë gjyqtare në Gjykatën e Rrethit Gjyqësor {…}.
Pasi dëgjoi relatimin nga Komisioni Disiplinor, Këshilli me vendimin nr.53, pezulloi nga detyra magjistraten {…}, me detyrë gjyqtare në Gjykatën e Rrethit Gjyqësor {…}.'- thuhet në njoftimin e KLGJ-së.
Pak ditë më parë gjykata e Tiranës la në burg gjyqtaren Enkelejda Hoxha, ndërkohë që avokati i saj deklaroi se ku vendim ishte i padrejtë.
Super operacioni i SPAK të enjten e kaluar (11.02.2021) i vuri prangat gjyqtares Enkelejda Hoxha, e cila ishte në seancë gjyqësore për lirimin nga burgu të Saimir Petanin, i arrestuar për vrasje, i ekstraduar nga Itali për ekzekutimin e Romeo Beqirit, disa vite më parë. Hetimi i drejtuar nga prokurori Altin Dumani, ka nisur prej disa muajsh dhe ka prova, filmime e përgjime që inkriminon të arrestuarit. Emri i gjyqtares Enkelejda Hoxha lidhet me lirimin e shumë të dënuarve me burg përjetë, mes tyre edhe Endrit Dokle, Genc Tafilit ai edhe Hekuran Billa, i vrarë pak muaj më parë në Tiranë.
Në pranga u vunë 10 persona, mes tyre gjyqtarja Enkelejda Hoxha, Avokati Aldo Tabaku, Sekretarja Manuela Mallakuçi, Eksperti psikiatriko – ligjor Shkëlqim Korbi të cilët bashkëpunonin që nga falsifikimi i raporteve mjeko ligjore e deri tek shorti i caktimit të dosjes penale në mënyrë që ato t’i binin në dorë Enkelejda Hoxhës dhe më pas kundrejt shumës nga 6-12 mijë euro mundësonte lirimin e tyre nga burgu.
Sakaq në përgjimet e prokurorisë doli edhe emri i mjekut të QSUT-së Edvin Priftit , të cilit pas kontrollit në banesë SPAK i sekuestroi 250 mijë euro dhe 160 milionë lekë të vjetra cash.
M.Q./ReportTv.alKomente
KLGj duhet ta kishte shkarkuar qysh kur liroi te burgosurin e pare me burgim te perjetshem
PërgjigjuShume shpejt u kujtuhat ju te KLGJ.. prisni dhe
Përgjigju