Klejdis Çela është emëruar drejtor i burgut ‘Jordan Misja’ i njohur ndryshe si ‘313’-ta në Tiranë. Emërimi i tij ka ardhur në vazhdimësi të ndryshimeve që po ndodhin në institucionet ku të burgosurit vuajnë dënimin. Çela do të zëvendësojë Shpëtim Saraçin i cili do të marrë detyrën e drejtorit të spitalit të burgut. Çela ka mbajtur më herë postin e drejtorit të Qendrës Spitalore të Burgjeve.
Ndryshime më herët janë raportuar edhe në policinë e shtetit, ku drejtori i Përgjithshëm, Muhamet Rrumbullaku ka emëruar drejtues të rinj në qarqe të vendit. Ndërkohë 4 ditë më parë, Helidon Bendo u lirua nga detyra e kreut të SHISH me kërkesë të kryeministrit Edi Rama, ku arsyetohet se Bendo po përfundonte studimet e tij në SHBA dhe më pas do të ushtronte detyrën e këshilltarit për reformën e institucioneve të sigurisë.
B.V/ReportTv.al