MIRDITË- Një 19-vjeçar i identifikuar si Danjel Gjinaj ka rënë në pranga në fshatin Lëkundë pasi iu gjet një armë zjarri “automatik” të cilin ai e kishte fshehur nën sediljen e makinës me të cilën po lëvizte.
Pas marrjes së informacioneve për një person se po lëvizte më armë zjarri pa leje në zonë, u organizua dhe zhvillua operacioni policor i koduar “Befasia” në fshatin Lëkundë të Mirditës ku ndaluan një makinë të cilën drejtonte i riu dhe ku gjetën armën pa leje.
Gjatë kontrollit, efektivët zbuluan se poshtë sediljes së mjetit ai kishte fshehur një automatik, një krehër me fishekë në të, të cilat u sekuestruan. 19-vjeçari Gjinaj, banues në Mirditë u arrestua dhe akuzohet për veprën penale "Mbajtja pa leje e armëve, armëve shpërthyese dhe i municionit".
S.C/ReportTv.al