Robert Sulollaraj, një i ri shqiptar, 24-vjeç, është arrestuar në pasi iu gjet një sasi kanabis në makinë “Volkswagen Golf” me të cilën ai po udhëtonte nga Newcastle në Glasgow.
Fillimisht 24-vjeçari shqiptar u ndalua për shkelje të rregullave të qarkullimit rrugor, por kur policët iu afruan mjetit ata u ‘mbytën’ nga era e kanabisit, shkruajnë mediat e huaja.
Pas një kontrolli të makinës, policët zbuluan në disa çanta 9.7 kg drogë, e cila sipas ekspertëve, nëse do të shitej në tregun e paligjshëm do të sillte një përfitim rreth 100 mijë paundë.
Sulollarit iu gjetën gjithashtu dhe dy celularë dhe një leje drejtimi e falsifikuar. Në njërin prej celularëve u zbuluan një varg mesazhesh me tekst, foto dhe video që e lidhin atë me tregtinë e drogës.
Sulollaraj këmbënguli se nuk e kishte idenë se kishte drogë në makinë. I riu shqiptar, banues në Newcastle, mohoi çdo akuzë dhe doli në gjyq në Gjykatën e Sherifit Hamilton. Ai tha se kishte udhëtuar në Skoci me kushëririn e tij 25-vjeçar për të blerë një makinë të re dhe nuk kishte ndjerë asnjë aromë dhe nuk e ksihte idënë se në makinë kishte kanabis.
Ai gjithashtu u shpall fajtor edhe për falsifikim dokumentesh. Sherifi Alasdair MacFadyen e burgosi për tre vjet dhe gjithashtu e përjashtoi nga drejtimi i makinës për dy vjet.
S.C/ReportTv.al“Nuk e besova sepse nuk dija për drogën. Kisha tymosur kanabis, por nuk e dija se kishte kanabis në makinë dhe nuk ndjeja erë asgjë përpara se policia të më thoshte se ishte aty”, është shprehur i riu gjatë mbrojtjes.
Komente
Po dhe policia e gjykata s'e dinin qe ti ishe //engjell// kur te kapen e te denuan!!
Përgjigju