KORÇË- Mëngjesin e kësaj të marte është vjedhur konizma e kishës së ‘Shën Sotirit’ e cila ndodhet në bulevardin “Republika” në qytet.
Ajo që bën të ditur policia është se persona ende të paidentifikuar e kanë vjedhur për të disatën herë arkën e dhurimeve nga besimtarët e Korçës.
“Më datë 15.11.2022, rreth orës 07:30, në bulevardin "Republika", Korçë, dyshohet se është vjedhur një shumë e vogël parash, në një objekt kulti (kishë). Grupi hetimor po punon për identifikimin dhe kapjen e autorit dhe për zbardhjen e rrethanave të ngjarjes”, njofton Policia.
Sipas Mitropolisë së Korçës ajo që i shqetëson më tepër është dhunimi i objekteve të kultit se sa vjedhja ndërkohë që kërkojnë nga ana e policisë kapjen dhe vënien para përgjegjësisë autorët.
B.K./ReportTv.al
Komento
