Nëse në bisedat tuaja të përditshme virtuale një pjesë e madhe e tyre përfshijnë përmbajtje me nocione qesharake kundrejtë çdo tematike, në Kinë mesa duket toleranca është zero.
Një burrë kinez i identifikuar nga mediat si Li shpërndau një meme në platofrëm kineze duke ironizuar policinë, gjë që e pësoi me 9 ditë burgim. Li, thuhet se e ka dërguar memen në një shkëmbim grupor me më shumë se 330 anëtarë në platformën kineze të mediave sociale ËeChat muajin e kaluar, pas ankesave për kufizimet lokale të COVID-19. Kina ka ende disa nga masat më të rrepta të koronavirusit në botë, duke përfshirë bllokime të menjëhershme, kufizime të udhëtimit dhe testime masive.
Meme në fjalë tregonte një qen me kapele policie teksa mbante një distinktiv dhe tregonte kamerën. Thuhet se është një imazh i zakonshëm në aplikacion, me variacione të ndryshme me kafshë të tjera ose personazhe vizatimorë.
Megjithatë, policia lokale në qytetin Qingtongxia, në rajonin Ningxia, u njoftua për postimin nga një anëtar i publikut duke akuzuar me sa duket Li për dërgimin e një meme 'fyese imazhin e policisë'.
Një hetim filloi me shpejtësi, me oficerët që zbuluan se Li kishte qenë "i pakënaqur me masat parandaluese të komunitetit" në lidhje me pandeminë. Ai u thirr në stacion, ku përfundimisht rrëfeu faktin e paligjshëm të ofendimit të policisë, e cila tha se kishte zgjedhur zënka dhe kishte provokuar telashe. Si ndëshkim, ai u ndalua për nëntë ditë.
“Për akte të tilla të paligjshme, Departamenti i Policisë Qingtongxia gjithmonë insiston në politikën e “tolerancës zero” dhe i ndëshkon me vendosmëri sipas ligjit për të mbrojtur autoritetin e zbatimit të ligjit dhe dinjitetin ligjor të policisë”.
Shumë kanë protestuar ndaj ndalimit të burrit, duke argumentuar se është një mbipërdorim i egër i pushtetit.
G.MO/ReportTv.al