Një ngjarje e rëndë ka ndodhur në Kinë, ku një makinë tip BMW është futur mes këmbësorëve në Guangzhou dhe ka shkaktuar vdekjen e 5 personave dhe ka plagosur 13 të tjerë. Incidenti shkaktoi zemërim tek banorët, të cilët akuzuan se autori kishte qëllim për të vrarë njerëzit.
Pamjet e publikuara në internet tregojnë shoferin që del nga makina dhe duke hedhur kartëmonedha në ajër, menjëherë pas përplasjes. Policia ka ndaluar 22-vjeçarin dhe ka nisur hetimet.
Përplasja ndodhi të mërkurën gjatë mbrëmjes në një kryqëzim të ngarkuar në qytetin jugor prej 19 milionë banorësh. Ndërkohë ka pasur incidente të ngjashme kohët e fundit. Në shkurt 2022, një shofer goditi një furgon me njerëz në provincën jugore të Fujian, duke vrarë tre persona dhe duke plagosur nëntë të tjerë.
