Më datë 16 mars pritet të mbërrijë në Tiranë, përfaqësuesi i Lartë i Bashkimit Evropian, Josep Borrell dhe komisioneri Evropian për fqinjësinë dhe Zgjerimin, Oliver Varhelyi.
Sipas burimeve të dy zyrtarët do të mblidhen në Tiranë për Këshillin e stabilizim-asocimit që pritet të mbahet në vendin tonë si dhe çështjen e integrimit europian. Sesioni parlamentar i Këshillit të Stabilizim Asociimit do të nisë rreth orës 11:00 ndërsa Konferenca për shtyp rreth orës 12:00.
Këshilli i Stabilizim-Asociimit mblidhet një herë në vit për të kryer një vlerësim të përgjithshëm mbi implementimin e Marrëveshjes së Stabilizim Asociimit dhe shqyrton çdo çështje të rëndësishme që del në kuadër të zbatimit të saj.
Përveç kësaj, dialogu politik në nivel parlamentar midis Shqipërisë dhe BE-së zhvillohet në kuadrin e MSA-së, i cili parashikon krijimin e Komisionit Parlamentar të Stabilizim Asociimit, që përbëhet nga anëtarë të Parlamentit Europian dhe Kuvendit të Shqipërisë.
//ReportTv.al
