Ndërtesa e Kapitolit të SH.B.A.-së është rrethuar pasi një automjet u përplas në barrierat e sigurisë. Policia e Kapitolit tha se një person me makinë ka përplasur dy policë dhe ka tentuar të çajë barrikadën e vendosur në “Constitution Avenue”. Më pas, shoferi ka dalë nga mjeti i armatosur me një thikë në dorë, por është neutralizuar menjëherë nga forcat e tjera të sigurisë. Për shkak të plagëve të marra një nga policët humbi jetën në spital, ndërsa efektivi tjetër është në gjendje të rëndë.
Në një konferencë shtypi këtë pasdite, Shefi i Policisë së Kapitollit Yogananda Pittman konfirmoi se një nga oficerët dhe i dyshuari kishin vdekur.
"Ju njoftoj se një nga oficerët tanë ndërroi jetë si pasojë e plagëve të marra. Oficeri tjetër është në gjendje të rëndë" tha ajo.
Menjëherë policia ka rrethuar zonën duke e mbyllur, ndërsa një helikopter fluturon mbi zonë. Kongresi aktualisht është në pushim, që do të thotë se shumica e ligjvënësve nuk janë në punë ditën e sotme. Pika e hyrjes në Avenue Avenue, ku automjeti goditi barrikadën është direkt aty ku Senatorët dhe stafi i tyre vijnë në Kapitol çdo ditë, sipas policisë.
Incidenti vjen gati tre muaj pas trazirave vdekjeprurëse të 6 janarit në Capitol.
