Në prag të fushatës elektorale për zgjedhjen e kryetarëve të bashkive, partitë politike kanë zbuluar kolonat zanore që do të shoqërojnë fushatën e tyre.
Kënga “Vetëm përpara” me të cilën Partia Socialiste do të përfaqësohet në fushatën e saj elektorale tërhoqi shumë vëmendje për tekstin dhe zhanrin muzikor.
Të shumtë ishin ata që u habitën dhe nuk e besonin fillimisht, pasi ishte një zgjedhje aspak e zakontë. I ftuar në “Më lër të flas”, ishte Petrit Vullkani, autori dhe këngëtari i kësaj kënge.Zëri i këngëtarit u duk i njohur për publikun pasi pak kohë më parë ai nxori një këngë e cila u pëlqye shumë nga publiku.
I pyetur rreth këngës së kritikuar dhe të cilësuar si “këngë tallava”, këngëtari tha se këngën ia ka dërguar vetë kryeministrit Edi Rama, i cili e përzgjodhi mes shumë të tjerash.Ai tha gjithashtu se teksti dhe muzika është bërë nga vetë ai.
Ndër të tjera këngëtari u shpreh se është socialist pasi këtë e tregon dhe vetë kënga, ndërsa për komentet negative që ka marr nga simpatizantët kundërshtarë tha se nuk mërzitet.Vullkani falënderoi kryeministrin që pranoi dhe përzgjodhi këngën e tij.
Kënga mjaft e komentuar ka marrë 1 milionë klikime për pak ditë që nga publikimi.
K.T.//ReportTv.al