Kombëtarja shqiptare e futbollit mësoi kundërshtarët për kualifikueset e Europianit 2024. Kuqezinjtë u shortuan në grupin E me Poloninë, Çekinë, Ishujt Faroe dhe Moldavinë. Nga Frankfurti ka folur edhe presidenti i FSHF-së, Armand Duka. Për kreun e futbollit, kuqezinjtë kanë shanse reale dhe mund të jenë pjesë e Euro 2024. Në fund një koment edhe për të ardhmen e trajnerit Edi Reja që i skadon kontrata këtë nëntor me kuqezinjtë.
"Çfarë mendon për shorti? Të gjitha skuadrat janë të mira, i pranueshëm. Grupi B dhe C ishin të vështirë, në grupin tonë mund të luhen ndeshjet dhe mund të bësh çdo rezultat. Është real objektivi për të qenë pjesë e Euro 2024.
Jeni përkrah trajnerit, cila do të jetë e ardhmja e Rejës? Jemi për shortin dhe më pas do të diskutojmë për vazhdimin, siç e kemi bërë gjithnjë me trajnerin. Do të bisedojmë për më të mirën e Shqipërisë. Nuk mund të mendosh nga shorti që je kualifikuar, por duhet të shohësh fushën. Kur kemi marrë shortin për Euro 2016, menduam se ishte i pakalueshëm, por ia dolëm. Tani nëse mendojmë se është një grup i lehtë atëherë do të bëjmë më keq se më parë. Janë skuadra të forta, Polonia është pjesëmarrëse në Botëror, edhe Moldavia e Ishujt Faroe janë në rritje.
Kujt i druhesh më shumë? Moldavia dhe Ishujt kanë diferencë nga Polonia e Çekia, po të ishin më të forta do të ishte më mirë, pasi objektivi i tyre tashmë do të jetë Shqipëria.
Fitoret 1 milionë euro? Grupi me pësë është më pak impenjativ dhe nuk kam pishman për skuadrën e gjashtë për shkak të përfitimit financiar, e dëshiroja të ishim në një grup me pesë”, tha Duka.
Grupi E - Poloni, Çeki, Shqipëri, Ishujt Faroe, Moldavi
S.DH/ReportTv.al
Komente
edi rene e falenderojme,,,por tani i ka ardhur koha te iki ne itali te rrije e te gezoje pensionin ....gzacie...
Përgjigju