Me shenja dhune, këmbëzbathur dhe duke çaluar, me ndihmën e efektivëve është paraqitur gjatë paradites së sotme në gjykatën e Beratit, 36-vjeçari Lulzim Shallari i cili u arrestua 3 ditë më parë në fshatin Grevë në Skrapar për kultivim kanabis.
Teksa po dilte nga dera e Gjykatës nga ku u paraqit për të marrë masën e sigurisë, tregoi se policia e kishte dhunuar.
36-vjeçari nuk e pranoi akuzën duke deklaruar se nuk kishte dijeni për parcelën e kultivuar dhe nuk ishte autori i kultivimit.
Prokuroria e Beratit ka kërkuar për 36-vjeçarin masën e sigurisë burg pa afat, ndërsa gjyqtarja Lutfie Çelani ka caktuar masën e sigurisë “arrest në burg me afat 30-ditë”, kohë e mjaftueshme sipas gjyqtares që prokuroria të sigurojë provat e mjaftueshme për të akuzuarin.
J.GJ./ReportTv.al