Kek me fruta të thata
Përbërësit:
- 500 gr miell për ëmbëlsira
- 4-5 kokrra vezë
- 250 gr gjalpë i shkrirë
- 500 gr fruta të thata si rrush, kajsi, boronicë, kumbulla
- 50 gr fistik të grirë
- 100 gr sheqer i bardhë
- 100 gr sheqer pluhur
- 1 lugë kanellë
- 1/2 lk sodë buke
- 1 lk pluhur pjekës
- 1 bustinë vanilje
- 1 gotë lëng portokalli
- 1 gotë lëng limoni
Përgatitja:
Tresim në një tigan gjalpin dhe vendosim frutat e thata me sheqerin e bardhë dhe lëngun e portokallit. I lemë të ziejnë për 4-5 minuta. E kalojmë masën në një tas të madh dhe e lemë të ftohet në temperature ambienti. Pasi masa të jetë ftohur hedhim në të miellin, sodën e bukës, sheqerin pluhur, kanellën, lëngun e limonit, vaniljen. Rrahim vezët mirë dhe i hedhim tek masa e brumit. I përziejmë të gjithë përbërësit së bashku derisa të formohet një brumë i butë. Brumin e vendosim në një formë keku të lyer me gjalpë. Mbi të shtojmë fistikët dhe e vendosim të piqet në furrë të parangrohur në temperaturën 180 gradë për 25 minuta.
MC/ReportTv.al
Komento
