Këshilli i Emërimeve në Drejtësi ka përfunduar procedurat për verifikimin e kandidates për Gjykatën Kushtetuese, Zhaklina Peto.
KED njofton se gjyqtarja është tërhequr nga gara për Gjykatën Kushtetuese në vakancën e shpallur nga Presidenca.
"Këshilli i Emërimeve në Drejtësi, pasi vijoi me shqyrtimin e gjetjeve në procedurën e verifikimit për kandidatin për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 22.11.2019 vendosi:
·Përfundimin e procedurës së verifikimit, vlerësimit, pikëzimit dhe renditjes, së kandidaturës së Zj. Zhaklina Peto, për shkak të tërheqjes nga kandidimi, për gjyqtar në Gjykatën Kushtetuese" - thuhet në njoftimin e KED.
Peto është skualifikuar 2 herë nga KED në garë për Kushtetuesen por u rikthye sërish nga Gjykata Administrative e Apelit.
Pasditen e sotme Presidenca ka emëruar gjyqtarin e gjashtë të Gjykatës Kushtetuese, Përparim Kalon duke e bërë funksionale.
Tashmë në garën për Kushtetuesen ka mbetur vetëm 1 kandidate, Sonila Bejtja.
E.M./ReportTv.al