Shkarkimi i Ardian Dvoranit nga KLGJ si anëtar i Gjykatë së Lartë dhe rrjedhimisht edhe si kreu i KED, ka bërë që kjo e fundit të thërrasë mbledhjen e parë që do të drejtohet nga Vitore Tusha e cila duke qenë se mbante postin e nënkryetares vendoset automatikisht kryetare në detyrë e KED deri më 31 dhjetor 2020 kur mbaron mandati i kryetari të KED. Kreu i KED ka një mandat një vjeçar dhe më 1 janar 2021 hidhet shorti për zgjedhjen e kryetarit të ri.
Tusha ka lajmëruar mbajtjen e mbledhjes së radhës të KED më 30 qershor 2020 në orën 15:00 ku do të shqyrtohet rekomandimet e bëra nga Komisioni i Venecias lidhur me "Emërimin e Gjyqtarëve në Gjykatën Kushtetuese” për sa i takon veprimtarisë së Këshillit të Emërimeve në Drejtësi si dhe do të diskutohen çështje të tjera që lidhen me vijimësinë e përgatitjes së çështjeve të shortuara.
Mbledhja e KED do të zhvillohet në ambientet e Gjykatës së Lartë, ndërsa anëtarëve iu bëhet thirrje të respektohen masat dhe protokollet e sigurisë anticovid.
Më 11 qershor 2020 Këshilli i Lartë Gjyqësor vendosi mbarimin e mandatit të Ardian Dvoranit si anëtar i Gjykatës së Lartë, rrjedhimit ikën edhe nga drejtimi i Këshillit të Emërimeve në Drejtësi, seancë që në fakt u shoqëruar me debate të shumta. Pas shkarkimit Dvorani i dërgoi një letër Vitore Tushës, së cilës i kërkon që të vazhdojë punën për kandidatët për Gjykatën e Kushtetuese.
Komente
Vitire bajga me e korruptuata ne drejtesi
Përgjigju