DURRËS- Një 30-vjeçar ka rënë në pranga, ndërsa vëllai i tij është shpallur në kërkim nga Policia e Durrësit, pasi kanë tentuar të vrasin një 25-vjeçar pas një konflikti për motive të dobëta.
Ngjarja ka ndodhur mbrëmjen e djeshme, 24 shkurt, në lagjen nr.2. Policia thotë se pas një sherri për motive të dobëta dy vëllezërit kanë dhunuar 25-vjeçarin dhe më pas e përplasën me automjet.
Policia ka arritur që të vendosë në pranga 30-vjeçarin Halit Ullorja, ndërsa vëllai i tij G. U., është ende në kërkim.
Ndërkohë, është arrestuar edhe 25-vjeçari që tentuan të vrisnin, Letjan Lushkaj. Ky i fundit ka rezultuar se drejtonte automjetin në gjendje të dehur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
SI.E./ReportTv.al