Katër ndeshje pa fitore kanë bërë që trajneri i Juventusit, Max Allegri të mos ketë më shpresë për titullin kampion. Barazimi i sotëm 2-2 kundër Veronës ka ulur pritshmëritë te bardhezinjtë, që e gjejnë veten nëntë pikë pas Interit (një ndeshje më pak) kryesues.
"Kjo është një periudhë ku krijojmë shumë raste, me Udinesen ishin 5-6 raste për gol, por pastaj humbëm. Sot mund të ndodhte e njëjta gjë, edhe me një finale ku kishte situata interesante në fund të 90 minutave. Është e qartë që na duhet një rregullim i përgjithshëm, kemi fituar 2 pikë në 4 ndeshjet e fundit dhe tani duhet vetëm të marrim gjërat pozitive nga kjo ndeshje. Fakti që morëm pikë në transfertë mund të na mundësojë që të përgatitim më mirë sfidën ndaj Frosinones.
Lufta për titull? Nuk di të them se sa mund të ketë ndikuar distanca nga kreu, por nga sot nuk duhet të ketë më rëndësi. Kemi bërë 2 pikë në 4 ndeshje, kjo është siguria e vetme. Kemi një gjysmëfinale të Kupës së Italisë për të luajtur dhe 13 ndeshje të tjera në dispozicion. Ajo që po bëjmë në këtë periudhë, me sa duket nuk mjafton", tha Allegri.
Lajmi kryesor:
GOLAT/ Juventusi 'pa busull', Verona e ndal 2-2! Genoa i merr pikë Napolit në 'Maradona'
S.DH/ReportTv.al