Këtë të martë do përcaktohen fatet e grupit A dhe B. Në orën 16:00 Holandës i duhet të paktën një barazim kundër Katarit, të eliminuar matematikisht, por në varësi të rezultatit mes Senegalit dhe Ekuadorit, 'tulipanëve' mund ti bëjë punë edhe humbja. Sakaq në grupin A më me shumë interes pritet Senegal-Ekuador, pasi afrikanëve iu duhet sezbën fitorja. Kjo sepse si Ekuadori ashtu edhe Holanda janë në kuotën e 4 pikëve, ndërsa Senegali ka 3.
Ndërkohë në orën 20:00 do jetë rradha e grupit B me Anglinë që duket e favorizuar. ‘Tre luanët’ të cilët janë në kuotën e katër pikëve do përballen me Uellsin, që kanë 1 pikë dhe për të kaluar më tej anglezëve i bën punë edhe barazimi. Më delikate dhe më interesante është përplasja e SHBA-ve me Iranin. Duke ditur raportet mes dy vendeve, që kanë shkaktuar polemika edhe në Botërorin e Katarit, pritet një 90 minutësh tepër i dyluftuar.
Avantazhin në këtë rast e ka Irani, që ka 3 pikë dhe vjen pas fitores me Uellsin, ndërsa amerikanët për të tentuar kualifikimin duhet të fitojnë sezbën. Kjo sepse kanë vetëm 2 pikë.
