TIRANË- Me përfundimin e kampionatit Botëror edhe emisioni “E vëmë me bast” në Report Tv zhvilloi sot takimin e fundit me teleshikuesit.
Gjatë një muaji të Botërorit të Katarit në Report TV kishte tre hapësira dedikuar Kupës së Botës ku përveç “E vëmë me bast” çdo mbrëmje në orën 23:00 erdhi “Botërori no stop” me rastet golat dhe emocionet e të 64 ndeshjeve dhe në mesditë sillnim në ekranin tuaj më të dashur informacionet e larmishme.
Në “E vëmë me bast” çdo ditë publiku kishte mundësinë të telefononte në studio e të jepte parashikimin e tij për ndeshjet. Me praninë e specialistëve Albert Karriqi e Andrea Marko u analizua e komentua në mënyrë profesionale gjithçka e Kupës së Botës.
Sot në takimin e fundit me emisionin “E vëmë me bast” telefonuesit patën mundësinë të japin përjetimet e tyre për finalen dhe Argjentinën si fituese. Duke u pyetur nga moderatori Andi Kapxhiu nëse mund të bënin një krahasim mes Maradonës e Messit publiku njëzëri mendon se Maradona ishte tjetër nivel por edhe Messi është legjëndë dhe e meritonte ta fitonte një Kupe Bote.
B.K./ReportTv.al