Të shtunën e shkuar vdekja e gazetarit amerikan Grent Wahl gjatë raportimit të ndeshjes Argjentinë - Holandë ngriti dyshime për trajtimin e njerëzve në Katar për Kupën e Botës. Fill pas ngjarjes tragjike në "Lusail Stadium" vëllai i 48-vjeçarit ngriti dyshime për vrasjen e tij për shkak se kishte veshur më herët një bluzë të komunitetit LGBT.
Deklarata të tilla u tërhoqën nga vëllai i të ndjerit pas daljes së ekspertizës mjeko-ligjore. Sipas mjekëve shkaku i vdekjes ishte një problem në zemër dhe konkretisht për “këputjen e një aneurizme të aortës ngjitëse që nuk ishte diagnostikuar dhe që kishte patur rritje të ngadaltë”. Autopsia e kryer në Katar rezultoi në përfundime të njëjta me atë të kryer në SHBA, aty ku trupi mbërriti një ditë më parë kjo edhe pas interesimit direkt nga Shtëpia e Bardhë.
S.DH/ReportTv.al