Kastrioti dukej një nga skuadrat e destinuara për të zbritur këtë sezon nga Superliga, por rezultatet fantastike të javëve të fundit e kanë çuar skuadrën në vendin e 6 të renditjes. Këtë fundjavë kalendari e vë përballë Tiranës, skuadrës që renditet e parë dhe që ka vënë një dorë te titulli kampion.
“Ndeshja e vështirë sepse është një kundërshtar shumë i fortë. Duhet të tregojmë shumë kujdes edhe me kartonat e lojtarëve edhe me problemet e dëmtimeve,”-deklaroi Emiljano Çela, trajner i Kastriotit.
Krutanët kanë 5 fitore radhazi në kampionat, por syri nuk iu druhet as përballë bardhebluve të Orges Shehit. Sipas trajnerit Çela Kastrioti do vijojë serinë e trepikëshave.
“Patjetër që do shkojmë të pretendojmë për rezultat sepse unë e kam thënë që kemi forcën për t’u përballur me çdo lloj kundërshtari,”-tha Emiljano Çela, trajner i Kastriotit.
Kur kanë mbetur edhe 7 javë kampionat Kastrioti renditet në vendin e 6 me 37 pikë.
Ne.k.//ReportTv.al