Rithemelimi ka akuzuar 4 anëtarët e Komisionit të Ankimimeve dhe Sanksioneve si ‘mercenarë’ të Ramës pasi nuk pranuan të vendosnin emrin e Sali Berishës në fletën e votimit si drejtues i koalicionit të tij me Metën.
Në një deklaratë për mediat, zëdhënësja e Rithemelimit, Floriana Garo tha se vendimi i marrë nga KAS është absurd ndërsa kërkesa e bërë nga nënkryetari i Partisë së Lirisë, Endrit Braimllari është legjitime.
Ajo tha se vendimi nuk ka qenë aspak logjik dhe se është marrë duke ndjekur urdhrat e kryeministrit Edi Rama.
“Ilir Rusmali, Elvin Lako, Koli Bele dhe Ledio Braho, katër mercenarë në oborrin e Ramës me qëllim trembjen e opozitës, kanë marrë një vendim në emër të KAS, Komisioni i Ankesave dhe Sanksioneve, që turpëron edhe letrën ku është hedhur.
Ata provuan se ata janë vrasës të parimeve themelore të zgjedhjeve të lira.
Ata i janë kthyer me një “Jo” absurde, kërkesës legjitime dhe sovrane të n/Kryetarit të Partisë së Lirisë, z. Endrit Braimllari, në emër të koalicionit “Bashkë Fitojmë”, që drejtues i koalicionit të ishte z. Sali Berisha.
Me urdhër të Edi Ramës, në dhunim të parimeve më themelore kushtetuese e demokratike, u heqin partive opozitare të drejtën për ta zgjedhur. Sipas tyre, atë duhet t’ua caktojë padroni i tyre, Edi Rama.
Arsyeja e vendimit është e qartë, dhe, nuk është as ligjore, as kushtetuese, as logjike dhe as morale. Duke ndjekur urdhrin dhe gjuhën që e përdorin përditë Rama dhe Brava-Alibashët, të tmerruar nga fitorja e opozitës, besojnë se, me një vendim të tillë mund t’i pengojnë ata”-thuhet mes të tjerash në reagimin e Rithemelimit.
Një ditë më parë, KAS vendosi që emri i kryetarit të Partisë së Lirisë të jetë në fletën e votimit ndërsa Kolegji Zgjedhor pritet të japë 'fjalën e fundit'.
B.V//ReportTv.alKomente
Ik moj bushter e keqe!!te gjatin do mirni berisha dhe meta!!ti dihet e ke mare me koh sharabajge!!
PërgjigjuOre,po akoma se dini qe berisha nuk ka rregjistruar asnje parti ku eshte vete kryetare? Si ta shkruajne ne fletevotim,kryetari kujt? Partise se hajdarit?
Përgjigju