Policia e Korçës vijon operacionin “Perimetri”, ku së fundi ka goditur një tjetër rast të veprimtarisë kriminale në fushën e dhënies ndihmë shtetasve të huaj për kalim të paligjshëm të kufirit, kundrejt fitimit.
Gjatë aksionit, policia ka arrestuar dy persona, njëri prej të cilëve është shtetas i huaj nga Afganistani. Ky i fundit dhe një shqiptar janë kapur duke transportuar 4 emigrantë të paligjshëm me një makinë tij 'Benz'. Ndalimi dhe arrestimi i tyre është bërë në dalje të qytetit të Pogradecit.
Në pranga përfunduan Xh. H., 19 vjeç, banues në Tiranë dhe R. A., 20 vjeç banues në Afganistan, të cilët transportonin emigrantët drejt vendeve të BE-së në mënyrë të paligjshëm kundrejt fitimit.
Materialet i kaluan Prokurorisë të Rrethit Gjyqësor Pogradec për veprën penale "Ndihma për kalim të paligjshëm të kufijve, kryer në bashkëpunim".
