TIRANE-Shqipëria ka mbyllur kufijtë me të gjitha vendet për shkak të COVID-it, por kjo nuk i ka penguar trafikantët që dyshohet se kanë nisur nga Vlora trafikun e emigrantëve nga vendet e lindjes me gomone drejt Italisë. Forca Detare pikasi nga radarët dhe bllokoi mbrëmjen e djeshme në Karaburun te Shpella e Haxhi Alisë një gomone, që dyshohet se trafikonte klandestinë drejt Italisë.
Gjatë operacionit janë arrestuar dy personat që ndodheshin në gomonen me 2 motorë, 9 m e gjatë. Të arrestuarit që u kapën nga radari në gomone janë Dushan Spahiu 43 vjeç dhe Paulin Koci 25 vjeç, të dy nga Vlora. Sipas policisë, nga këqyrja e mjetit lundrues nuk u konstatua asnjë material apo send i kundërligjshëm, ndërsa dy personat deklaruan se kishin dalë në det për të testuar mjetin lundrues, por pa pasur lejen përkatëse.
Dy personave iu sekuestruan telefonat. Por pavarësisht deklaratave të tyre, ata ishin prej disa ditësh në përgjim dhe dyshohet se trafikonin klandestinë në Itali. Gomonia ishte e vjedhur në Greqi. Autoritetet greke kishin njoftuar palën shqiptare disa ditë më parë për të nisur hetimet mbi rastin pas vjedhjes. Pas bllokimit në zonën e Karaburunit, pranë vendit të quajtur "Kepi i Gjuhëzës" gomonia u rimorkiua në Triport, ku iu dorëzua Policisë.
Gomonia e bllokuar ne Vlore
Komente
Iu kthyem prape bisnesit.Vesi del me shpirtin.
PërgjigjuEh iku ajo kohe s ka me tani kush bëri bëri
PërgjigjuEshte bere jeta e padurueshme në Vlore u meruamë na keta
PërgjigjuJo plako e keni kot qe akuzoni vlonjatt. Nuk bojn nga kto gjona. Lexojn libra jan tedukum
Përgjigju