Mbledhja e Këshillit Kombëtar të Integrimit e cila ishte planifikuar që të mbahej të hënën në orën 12:00, ku pritej që ambasadori i BE-së Luigi Soreca të prezantonte Progres-Raportin e BE për vitin 2023, është anuluar.
Bashkëkryetarja e Këshillit Kombëtar të Integrimit, Jorida Tabaku, tha në një prononcim për Report Tv se e ka anuluar mbledhjen për shkak se ambasadori i BE-së i ka dërguar sot raportin e KE-së. Nëse ka paqartësi ka shtuar Tabaku për Report Tv, do të zhvillojë një konferencë për ta sqaruar më tej.
Anulimi i mbledhjes është njoftuar përmes një e-mail zyrtar, ku janë njoftuar anëtarët.
Këshilli Kombëtar i Integrimit bashkëdrejtohet nga deputetja demokrate Jorida Tabaku dhe deputeti socialist Toni Gogu, si dhe ka në përbërje kryetarët e grupeve parlamentare, kryetarët dhe nënkryetarët e komisioneve parlamentarë.
M.Q.//ReportTv.alKomente
JORIDA JE NJE DHELPER E PADOBISHME....
Përgjigju