Foto ilustruese

Kampionati shqiptar i futbollit, sot zbresin në fushë kryesuesit! Partizani kërkon fitoren e tretë, Laçi përballet me Egnatian

4 Shtator 2022, 08:54| Përditesimi: 4 Shtator 2022, 08:55

  • Share

Sot luhen në Ballsh dhe Laç 2 ndeshjet e radhës së javës së tretë të Kampionatit shqiptar të Futbollit. Në orën 15:00, në stadiumin “Adush Muça” do të zhvillohet sfida Bylis-Partizani. Ballshiotët vijnë në këtë takim pas dy rezultateve pozitive, fitores ndaj Kastriotit dhe barazimin kundër Teutës, por të kuqtë e Partizanit do të kërkojnë triumfin e tretë, duel pas dy fitoreve, ndaj Egnatias dhe Laçit.

Në po të njëjtën orë, në stadiumin e qytetit të Laçit do të luhet ndeshja Laçi-Egnatia. Kurbinasit e Vukiçeviç vijnë pas një fitore dhe një humbje, respektivisht ndaj Teutës dhe Partizanit.

Ndërsa rrogozhinasit e Edlir Tetovës nuk kanë marrë asnjë pikë deri tani në këtë sezon pasi janë mundur kundër dy ekipeve kryeqytetase, Partizanit dhe Tiranës.

K.T./ReportTv.al
Komento
  • Sondazhi i ditës:

    Zgjedhjet parlamentare 2025, sipas jush si duhet të votojë diaspora?