Universiteti i Korçës në bashkpunim me federatën universitare të sporteve ka organizuar kampionatin ndërkombëtar të shahut ku morën pjesë disa universitete nga Shqipëria, Kosova, Maqedonia e Veriut dhe Greqia. Qëllimi kryesor i këtij aktiviteti ishte shkëmbimi i eksperiencave dhe krijimi i kontakteve mes studentëve në rajon përmes pasionit të tyre.
“Studentët kanë konkuruar me dinjitet me njëri-tjetrin, por edhe janë miqësuar e kanë ndërtuar një bashkpunim të suksesshëm. Ne shpresojmë që ky të jetë një turne që do pasohet nga veprimtari të tjera po kaq të suksesshme,”-u shpreh Irena Nikaj, pedagoge.
“Kjo i krijoi mundësi studentëve që pasionet e tyre të mëprashme ti vazhdonin më tej edhe pse kanë vazhduar rrugë të ndryshme në jetë,”-deklaroi Besnik Veliu, President i Federatës Shqiptare të Sportit Universitar.
Kampionati i zhvilluar në Korçë pati si fitues një student nga Prishtina, ndërsa vendin e dytë e zuri një student nga Greqia. Përsa i përket kësaj loje mijëvjeçare zhvillimi i vrullshëm i teknologjisë, nuk e ka zbehur aspak pasionin tek ata të cilët e ushtrojnë.
Ne.k.//ReportTv.al