Qerimaj dhe Calja

Kampionati Evropian i Peshëngritjes, Shqipëria përfaqësohet me 7 sportistë (Agjenda)

14 Shkurt, 19:35| Përditesimi: 14 Shkurt, 19:36

  • Share

Në Sofie të Bullgarisë, duke nisur nga 12 shkurti ka filluar Kampionati Evropian i Peshëngritjes. Kombëtarja shqiptare përfaqësohet me shtatë sportistë, teksa pritshmëritë janë të larta për medalje.

I pari në pedanë për tanët do jetë Briken Calja, që nesër (15 shkurt) në orën 19:00 do konkurrojë në baterinë A të peshës deri në 73 kilogramë. Sportisti i Tiranës e ka provuar suksesin pasi ka qenë ish-kampion i trefishtë në shtytje, shkëputje dhe dygarësh.

Calja kërkon pikë për të kapur normën olimpike për në Lojërat Olimpike të Paris 2024. Hapin e parë Calja e ka hedhur, duke zbritur në peshën deri në 73 kilogramë.

Më tej më 16 shkurt do të jetë radha për Erkand Qerimaj dhe Kristi Ramadanin në kategorinë e peshave 81 kilogramë, një peshë kjo joolimpike.

Sportistët e ekipit kuqezi dhe orari i garimit:

Briken Calja 15 shkurt 19:00 - 73 kg

Erkand Qerimaj 16 shkurt 19:00 - 81 kg

Kristi Ramadani 16 shkurt 13:00 - 81 kg Bateria B

Ertjan Kofsha 17 shkurt 16:00 - 89 kg

Ermand Tabaku 18 shkurt 10:00 - 96 kg

Albert Meta 19 shkurt 09:00 - 109 kg

Franko Ferra 19 shkurt 09:00 - 109 kg

S.DH/ReportTv.al
Komento
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?