Po afrohen pushimet verore për fëmijët. Dhe sipas ekspertëve një mënyrë e mirë për t’i mbajtur të angazhuar pas mbarimit të vitit shkollor janë kampet verore. Në një intervistë në emisionin psikologia Bona Mickley renditi arsyet përse fëmijët duhet të frekuentojnë kampet verore.
“ Kampet janë shumë të rëndësishme, unë kur kam qenë e vogë kam marr pjesë në shumë kampe verore dhe e mbaj mend se çfarë ndikimi kanë pasur në zhvillimin tim, në njohjet e reja dhe janë kujtime shumë të bukura që sjelin shumë pozitivitet. Por që kanë shumë rëndësi kampet” tha ajo.
Psikologia Bona Mickley tha se ka një sërë arsyesh se si kampet verore janë një ndihmë e madhe për mirëqënien e fëmijës duke i stimuluar në punën në grup dhe nxitjen për të qënë më të pavaruar.
“Prindërit janë në punë dhe i bie që vetëm celulari të jetë shoku I tyre më I mirë por nuk është aspak e shëndetshme për fëmjët sepse I bën fëmijët që të jenë pasiv dhe I nxit ankthin.Kështu që është e rëndësishme që prindërit të sigurojnë një kamp veror për fëmijët e tyre që mund të jetë në komunitetin e tyre. Kjo gjë ndërton pavarësinë tek fëmijët, kur ti je larg prindërve mendon pak për identitetin tënd dhe shton edhe vetvlerësimin tek vetja. Gjithashtu ndërton punën në grup , është shumë e bukur puna në grup . Ata e bëjnë këtë në shkollë por kampi ka diçka tjetër se nuk ka atë stresin e shkollës, aty është për qejf” u shpreh ajo.
Ndër të tjera ajo theksojë edhe rëndësinë e të realizuarit sa më shumë aktivitete verore për fëmijët.
MC/ReportTv.al
“Është mirë që fëmijët të kenë një plan ditor dhe është mirë që prindërit të organizojnë listën e dëshirave të fëmijëve ose të lojërave që kanë dëshirë që të organizojnë gjatë verës. Por mbi të gjitha duhet të kuptojmë sa e rëndësishme është loja në zhvillimin mendor, emocional dhe inteligjencës së një fëmije” shpjegoi ai.
