Kabuni me rrush të thatë
Përbërësit:
- 1 gotë oriz kokërrmadh
- 2 gota lëng mishi
- 3 lgj rrush i thatë
- 2 lgj gjalpë
- 1 fç sheqer
- Kanellë
Përgatitja:
Pasi e kemi larë orizin e kaurdisim me gjalpë, më pas shtojmë lëngun e mishit (mundësisht nga qafa e dashit) dhe rrushin e thatë pa fara, të cilin e kemi shpëlarë më parë me ujë të vakët. E lëmë orizin të ziejë. Kur të përthithet pothuajse i gjithë lëngu dhe në sipërfaqe të jenë krijuar vrima, ulim nxehtësinë dhe hedhim sheqerin. E trazojmë mirë, e largojmë nga zjarri, shtojmë kanellë duke e përzier lehtë dhe e lëmë mbuluar me kapak për 10-15 minuta në vend të ngrohtë. Mund ta shërbejmë thjesht duke i hedhur pak sheqer dhe kanellë ose mund të shtojmë dhe disa copëza mishi nga qafa.
MC/ReportTv.al
Komento
