Deputeti socialist Erion Braçe ka reaguar për aksidentin tek liqeni Artificial i Tiranës, ku BMW që drejtohej nga 26-vjeçari Eldi Alushi ka përfunduar tek diga e Liqenit Artificial. Ai ka ndarë video nga vendi i ngjarjes, duke thënë se ata që e kanë bërë një veprim të tillë janë idiotë të një kategorie të rrallë.
''Duket sikur idioti është limiti. Por ka shumë se idioti, është ky! BMË mbi digën e liqenit, aty ku prej mëngjesit herët, në mbrëmje ka veç këmbësorë e çiklistë!!
Domethënë ka ngjitur Digën nga ana e pishinave, mbi 15 metra lartësi e pjerrësi, ka marre përpara pemë e shtylla dhe është përplasur në murin e digës nga ana e liqenit!
Ka qenë i vetëdijshëm, ka dalë nga makina, ka hequr targat prej saj dhe ka ikur!!Domethënë, ta mendosh të dehur bën gabim, ta mendosh të taposur nga malli bën gabim prapë; Tipikisht idiot që ka bere prove të ngjisë digën me makine të forti!!'', shkruan Braçe.
Lajmi kryesor:
Aksident në Liqenin e Tiranës, BMW-ja luksoze del nga rruga dhe përfundon në digë! Shoferi braktisi mjetin e mori targat me vete! Arrestohet i riu (VIDEO+FOTO)
SI.E.//ReportTv.al