Koha e Johnny Depp-it në rolin e personazhit të njohur të botës së kinematografisë, kapitenit Jack Sparrow, duket se ka marrë fund, kjo pasi aktori i njohur i Hollivudit ka refuzuar rikthimin në “Piratët e Karaibeve”.
Pavarësisht spekulimeve të shumta rreth rikthimit të mundshëm të aktorit në ekskluzivitetin e “Piratwt e Karaibeve”, një lajm i papritur për fansat e Johnny Depp , të cilët kërkojnë që ai të futet edhe njëherë në çizmet e copëtuara të kapitenit Jack Sparrow, do të përballen me zhgënjim e hidhur sepse aktori nuk do të interpretojë në asnjë mënyrë në atë rol, për të cilin është i njohur në mbarë botën.
Këtë e ka konfirmuar vetë ylli hollivudian, duke treguar se ka refuzuar bashkëpunimin me producentët e filmit të famshëm, pasi këta të fundit 'e hoqën' me dëshirën e tyre nga pjesëmarrja e ekluzivitetit të radhës kur ish-gruaja e tij Amber Heard e akuzoi për abuzim seksual dhe në mes tyre u zhvillua një gjyq që u fitua nga Deep.
Megjithatë producenti i njohur i filmit ikonë të kinematografisë tha se do të donte të shikonte Deep duke luajtur në rolin, për të cilin e njeh gjithë bota.
M.T/ReportTv.al“Do të doja ta kisha Johnin në këtë film, ai është një mik dhe një aktor i mrekullueshëm dhe është për të ardhur keq që jeta personale ngatërrohet me gjërat që ne bëjmë”, tha producenti i njohur Jerry Bruckheimer.
