Presidenti i SHBA, Joe Biden kishte një mesazh të prerë pasi votuesit në Tajvan zgjodhën president të ri të shtunën. Pas qëndrimeve të ashpra të Kinës kundër Lai Ching-te që u zgjodh president, Biden tha se SHBA-të nuk e mbështesin pavarësinë për Tajvanin.
Lai Ching-te vjen nga një parti që favorizon pavarësinë nga Kina.
Por pavarësisht kësaj deklarate, Shtëpia e Bardhë ka theksuar se mbështet dialogun mes Taipeit dhe Pekinit dhe pret që dallimet të zgjidhen në mënyrë paqësore.
Shtetet e Bashkuara nuk e njohin Tajvanin si shtet dhe e konsiderojnë Republikën Popullore të Kinës si qeverinë e vetme legjitime. Megjithatë, SHBA i ofron Tajvanit ndihmë të konsiderueshme ushtarake.
B.V/ReportTv.al
Komento
