Ministria për Evropën dhe Punët e Jashtme ka njoftuar se të gjithë qytetarët mund të udhëtojnë në Itali për çfarëdo arsye. Nga dita e sotme, nuk do të aplikohet kriteri i paraqitjes së 'green pass', certifikatë vaksinimi, shërimi apo test negativ.
Përdorimi i maskave do të qëndrojë në fuqi të paktën deri më 15 qershor. Megjithëse kërkesa për përdorimin e maskave në mbarë BE-në në fluturimet u hoq në maj, aeroportet dhe linjat ajrore që fluturojnë drejt Italisë dhe nga Italia mund të kërkojnë që pasagjerët të mbajnë maska deri në atë datë.
Çdo person mbi moshën pesë vjeç duhet të mbajë një maskë të shkallës së lartë FFP2 në të gjitha format e transportit publik, në kinema, në teatro të ngjarjeve sportive të brendshme, koncerte, spitale, shkolla dhe universitete.
Asnjë mjedis tjetër, përfshirë dyqanet dhe vendet e punës, nuk përfshihet në njoftimin më të fundit, megjithëse ende rekomandon që maskat të vazhdojnë të mbeten në të gjitha hapësirat publike të brendshme. Fëmijët nën moshën gjashtë vjeç janë të përjashtuar nga të gjitha rregullat e mbajtjes së maskës.
A.M./ReportTv.al