TIRANË- Java e ardhshme është e rëndësishme edhe për socialistët. Të shtunën e katër nëntorit kryesocialisti Edi Rama do të mbledhë Kongresin e Partisë Socialiste, organi më i lartë vendimmarrës i partisë. Në mbledhjen e Kongresit pritet të zgjidhet sekretariati i ri i PS, pasi u shkarkua në korrik nga Asambleja e Përgjithshme.
Delegatët do të mblidhen në orën 11:00 në Pallatin e Kongreseve, ku do të votëbesohen emrat e rinj për të nisur punën në postet drejtuese në parti. Mes tyre pritet edhe zyrtarizmi i Blendi Klosit, i cili u komandua përkohësisht si sekretar i përgjithshëm.
Po ashtu, Klosi pritet të prezantojë para delegatëve platformën e tij për forcimin dhe organizimin e mazhorancës socialiste, si një parapërgatitje për vitin zgjedhor.
Sekretariati i PS i shkarkuar nga Asambleja më 26 korrik
1.Sekretar i Përgjithshëm, Damian Gjiknuri
2.Sekretari për Organizimin, Blendi Klosi
3-Sekretari për Çështjet Ligjore dhe Zgjedhore, Eridian Salianji
4-Sekretare për Burimet Njerëzore Anila Denaj
5-Sekretare për Koordinimin, Blerina Gjylameti
6-Sekretari Dixhital, Etjen Xhafaj
7-Sekretare për Gruan, Etilda Gjonaj
8-Sekretare për Marrëdhëniet me Jashtë, Romina Kuko
9-Sekretari për Migracionin, Laert Duraj
SI.E./ReportTv.al